CONTAFRICA

​Un Jugude sinta ba na un po i na kuda/ duranti tempü ku i sinta la/ i na kuda kuma ki na konsegi/ un kusa di kume/pabia el amonton/ i sinta na po i kuda na si pensamentu/ di repenti i parsil la un falkon/ i bïn sinta pertu del/ i falal abo jugude/ disna ku bu sinta lï /ke ku bu na kuda/ i falal kuma abo i amonton/ bu amontondadi i pasa kiñoŋ garandi/ jugude kala si boka/ i na jubïl / son atoŋ mañotï (Falkon) torna falal abo i amonton/ es amontodadi i garandi di mas/es bu amontodadi son kusas podris kë bu ta kume/ son kusa ku muri ku bu ta kume/ es li i falkon ku bïn na njata riba del/ jugude kala si boka i na jubil son/ na ki kombersa/ dï repente i parsi un pumba/ i pasa fit sï diantï/ falkon rábida i falal bu oja/ bu oja kïl pumba la ku na bai sïn la/ n na bai pañal pa n kumel fresku/ ku sangi inda/ bu sinta/ ntoŋ jugude kala boka/ mañotï (Falkon) labanta pa serka pumba/ i disbia i bati kurpü kontra po ku pumba sinta b anel/ falkon kai i dita i pirdi sintidu i molosta i dita la/ jugude bua na bua na kau ku i sinta nel/ i bai sinta pertu del/ el falkon fika e na jubï nŋütrü/ falkon rabaida i falal jugude i ke?/ bu na kumen naŋ/ jugude rábida i falal n kana kumeu/ bu ka muri inda/ a mi n ta kume son kï ku podrï na pera son ora ku bu murï ku na kumeu/ el falkon i fika ku kil pesamentü/ ntoŋ la mañotï(Falkon) foronta i fika na kil pensamentu la: porki i sibi kal ofensa ku i fasi jugude/ i na pêra kalker fingansa di parti di jugude ku fika son na ki ária/ n bokado falkon fala hah jugude i ke/ ke bu na bïn naŋ kumen/ jugude falal kuma ku na kumeu/ ami n ta kuma son kusa ku ka bibo/ n ta kume son kusa ku muri/ n na pêra ora ku bu muri/ ma bu ka muri inda/ ntŋ na kï kombersa simplis simplis / falkon fika na si agunia tokï i murï/ jugude kumel tudu tokï i farta/ i riba i bai sinta na ki lugar ku sinta b anel/ i na pêra utru suseso/ el ku manda storia li i ka bom bu njata riba di algïn/ i ka bom pa oja algïn de kwalker manera ku sta/ asin ku sta/ ma vivi suma kwalker utru/ nunka bu ka pudi njata kuma bu mas algin/ anos tudu no justa no ka mas nŋutru/ jugude/ i falkon/ i firminga/ i bagera i tudu no justa/ i ka teŋ usoŋ ku balï/ ma tudu bali/ el ku manda ora kï sïŋ/ no ka dibidi njata riba dï kumpañer/ no dibidi njata riba di kïn ku mas/ anos tudu no justa/ ntoŋ falkon pirdï sï bida/ i kaba i kumedu p ajude ku i fala i mas/.