A Samba

A Samba

​Goúge, goni rejemaa goemme galla, alla go may ga jawol Samba.

Samba’ahumu payol na çet jawol na çet miín abel jawol aagenol, go nemme ne rej.

Ga rej gaá rej é.

— Eee!

Googe baje acce aññil kakkan anoo nu fasse boóh jawol na buggol buh aban na çet.

Jawol na buggol buh aban na çet.

Jawol no na çet me abel jawol naánol. Ñer abel jawol ahu mu naanol nahini guni ni fitiñ,

Na ŋar, a roren añol, mata gu nogor nogor. Ey, ajuút affassut añol, afassut may ahhe

oyemme añom ahume letti añom. Naagol ey:

— A Samba

Naagol:

— A Samba

Naagol:

— Awu inje neheegi A Samba noogom A Samba aw omme ay?

Naagol:

— Han! Awo au’numaŋe banu yogenom inje hummul inje au ubuhme.

— Ujuúl unamo touté ne tam.

Naagol:

— Inji humul au ubugom.

Naagol:

— Inje au bugom.

Naagol:

— Yoo, kama inji, inji bugi si naŋ saúsu ahume matatiñ ahumu panakka tiñ baaba ni si humba sassu.

Ñer a ñumme, a ñumme e gabol, egabol ni si humba sassu añol naagol:

— Aã, enime inje bani itiñ baaba, attiyom ban akka tiñni si humba sassu, ban ji tiñ bo poli.

Naagol:

— Ahã!

Nagool:

— Ey!

Naagol:

— Mataa?

Naagol:

— Inje matitiñ baúbu.

Ñer aareahu na taj iki mu faŋol nakka ayabul ji liñah mba çigul na ŋar jo a kan a pur ahu ola.

 Safe mbi naha jowu na fass boo ahume amme añom. Nakanol jo, ngu pur mbi gu çih babu,

 Samba na ŋar ji liñah jaju a fum miín aáp jo akkan nig a ñen attiwol. Omay nakkan ni gola.

Naagol:

— Jaom mayer uçihme aáh: Asamba.

Nu tuna wala peh, jamb’ananur atun, panu tuna wala peh mba lingen ga ñenom na tohdo ji

liñah, mba linguen guya na tohdo fi liñah faa.

Iki gu wolul niga koñ, ngu çiigul naáh:

— A Samba!

U ñiaw ngoogol:

— Ee.

Nakke ejoh ga ñen ahu filiñah, nakke e joh galla ahu filiñah, ñer na luj me.

Kigu jëli. Nogu jëlime nakka baŋil si naŋ sassu miin gu tiñ, gukki gu tiñ kigu ban, uñaw,

Uñaw, uñaw, uñaw, uñaw, ahu na pinor booh, inje pani pur ijow bo neehme ialo, ni’alo

Miín ihat Samba ngu namo bugo njawol.

Nakka nomul míí, na nomul míí mamu mba çigul nakammo ni nga raffa gu niŋ na toj, na ŋar

Mo a lat mee nga nonum, na voh attiol:

— A Samba.

Naagol:

— A Samba.

Naagol:

— Yoo, inje jamma wola nu kanale u fan. E bekkan yayu yolola yoo nu ŋarayeme nu kaa ga

Koñ, pani ɳar yo miin ijow bo neehme ialo ni jow. Attiyol naagol:

— A Samba.

Naagol:

— A Samba.

Naagol:

— Aw bi enne?

Naagol:

— Aã letti waf.

Naagol:

— Inje boo au ujaeme ealo, pani juúl ilagenuli.

Naagol:

— Aã, comme inje, au banu kay uhalom talle, inje may pani kan.

Ñer a ñilahu na ŋar ebekkan yayu na tey, a tey, a tey, a tey, a tey, a çih necce essuh, essuh

Yay nah goni ne jow bi gayij ni gu ŋar an ki guccam bulun ingu ju guyij. Baan ne koloŋay ni ga

remngaa golil. Mee, ey.

Najow a çih, naagil:

— Saaful.

Ngoogol:

— Massume.

Naagil:

— Buru ji jiom irem, ga gundahom gu hay!

Ngoogol:

— Au nu purul bay?

Naagil:

— Inje boni pulome letti talle fatiya

Naagil:

— Fatiya!

Ngoogol:

— Ee!

Naagil:

— Yoo, yoo ji jiom irem.

Ngoogol:

— Woli mal milet.

Naagil:

— Mal milet bu?

Ngoogol:

— Mal milat, woli ndi ji rem do mee, woli baje tiñ too nahi jiíj, baree baje waf wa çin ro.

Jonime ne jow gaij ni ji ŋar an kiji cam waf waw miin jiíj.

Na luj me, na luj me, naagil:

— Ahã bare inji ji gittenom.

Ngoogol:

— Ji gitteni, wafwau panu meri.

Naagil:

— Aã, buru ji gittenom.

Na çih nayij kiribij ni yoogol:

— Ayma?

Naahfo:

—  Ajaburuŋ.

Ni foogol:

— Uij ukan bu?

Naagol:

— Liíj i rem.

Naagol:

— Uij u rem?

Naagol:

— Ey!

Hana assuhyay donu pulome gu gitten ujti booh jama letti funagil, gajem eem funagil?

Naagol:

— Au nuinene, inje ajawara ijoul bi dëre mbi çigul niçet marem mata min iíj, matti irem?

Na iíj, na ŋar malmamu a yu ne nilol. Naah, aagol nabañ a iíj kiribij!

Naagol:

— Lii! “aw ban”, ayima?

Naagol:

— Inje.

Naagol:

— U iíj u kan bu?

Naagol:

— Liíj iwo.

Naagol:

— Uiíj uwo? Aw gooti malmamu mumbam ndimu gori domee?

Naagol:

— Inje en tout cas pan iíj iwo de.

Na bañ aij kiribij.

Naagol:

— Aima?

Naagol:

— Inje.

Naagol:

— Uij u kambu?

Naagol:

— Ban iíj isen ejobawom e rem.

Naagol:

— Uiíj usen ejobayi e rem?

Naagol:

— Ey!

Naagol:

— Úú, aw, inje halime panu ban mallom.

Nabañ aij.

Naagol:

— Aima?

Naagol:

Neegi inje.

— Uij ukambu?

Naagol:

— Liíj I yu babu malmaa mu memeŋ.

Neer ni foogol:

— Yo kama au nu pareulo pare, u naggom, na jawol, fi tebbul, açila ne cat soro, fi tello maaa,

Na tehfo bakkol ni fulo. Na bañ a tajen, ni fulo, naafo, ni fuogol:

— Aw kama aw gu bonno me?

Naahfo:

— Jama eni nahu titiñ bugan, jama may inje bi e tiñi.

Na tehfo kifi çet, na iíj malmamu ne bag yayu, na çih ñer bajur babu boo go ñumme eccam.

Na koŋ, na çih naagol:

— U yab urem.

Naagol:

— I yab irem? inje matti rem.

Naagol:

— Mattu rem bu?

Naagol:

— Inje jamma assuyay, yaŋoli gu çille baccam.

Naagol:

— Yaŋul?

Naagol:

— Hum!

Naagol:

— Inje gu jaebo e ŋar guccam miín gu ki gu iij.

Ñer, no taŋ na muh fome na pirih? Fi lëj faa falaf, apirih a ŋar a kan ne (sac) yayu yola miín a kay. Ñer, ike essuhyay gu pare, gu purul bi e ɳar bajur babu ki guccam miín gu kay, miín gu ke gaij gaa. Gu teh si sabar sassu mbi gu çih, ngoogol aalo, naalo a rembor to na remborme, andewut, fu gororut. Ngoogol:

— Ualo u tajen.

Naagil:

— Ufe foni goremaa, bare iínanut fu rondoŋ, malmaa mu jugen, ngoogol:

— Malmaa mu jugen? wolimay jama jooge tiamo açila assene e culër* ecce, nooge mu juggen?

Naagil:

— Ey!

Ngoogol:

— Fiçeçet?

Naagil:

— Ey fiçeçet.

Googol:

— Aã, kama ji senli u newwaw, miín aw u rembor ne nil fo nu hoh.

Naagil:

— Ji sennom u newwaw miín inji rembor miín i hoh.

Ngoogol:

— Ey!

Naagil:

— Yoo! Ji sennom.

Na ŋar nah oh fo pee, ñer safe, a pur ahu na muh fomee, o na purlo na kay mbaa baha.  Ñer na hoh fo, ngu ñëgul fo, ikki gu yilen mee. Ñer e boh ne muh essuyay.

Ñer alet alet a sef ahu olil na roren, naagil:

— Ay ajaora aam yaŋol?

Alet, alet, -inje ni baje ajaora.

Naagil:

— Ubajalme ajawora, na punul fayet faa foo naagen me, fala anuhuren yauyu, pan ñer ufassal

bunu ñummaol ekkan.

Naagol:

— Ahã!

Naagol:

— Ey!

Naagil:

— Yoo.

Nakkay, ñer alet alet, inji ni baje ajaora. Ajaorah mba çigulma na lujil me.

— Inje ni baje ajaora, mba jaorah açigul na lujil me.

Naagil:

— Aã, inji toutu ikkanut.

Açila apurahu nakkay mbaa baha. Ngu baj bo may fa guh nah fu johbougan. Na jaye annere ne tut, ni fuolol:Aima?

Naahfo:

— Inje!

— Aw ai?

Naagol:

— Inje Samba.

Ni foogol:

— Aw Samba?

Naafo:

— Ey!

Nfoogol:

— Essuyay bonu pullomee gu gittenuti boo babe anda kaybo?

Naagol:

— Aã.

— Gu gittenuti?

Naagol:

— Hani gu gittenutom.

Nfoogol:

— Talle inje anda gët.

Naafo:

— Inje pani gët.

Nfoogol:

— Mattu gët.

Naahfo:

— Inji pani gët.

Na gële bi e nogen nifi tellol nga beonagu, nifi tellulol me nga beongaa, ni fu ñagol fu ŋar fu rur. Ñer ga raffa gagu go na hame yaŋil nigu sifful guiyo pee. Añilahu, attaiyol na yilo, naagol:

— Awo!

Naagol:

— Ee!

Naagol:

— Yoo, inji jama attiyom na çele, ban ñer I tey I kay miin aw uŋar yaŋ yayu.

Omay na ŋar ebekkanol, nakkay, na jae mbani ne çih ne suyay boo attiyol a nogen me, ngu tiil, ngooh açila.

Ngoogol:

— A Samba aw bay nukayene?

Naagil:

— Aã, dëeru letti inje.

Ngoogol:

— Aã aw, lettiaw kelomee talle?

Naagil:

— Ey letti inje, attiyom.

Ngoogol:

— Attií?

Naagil:

— Ey!

Naagil:

— Ñer ji gittenom attiyom ni baabay na jae?

Ngoogol:

— Ã! Woli de attiyi naagoli akke nib aha.

Naagol:

— Ni baha?

Ngoogol:

— Ey!

Nakkay, na jow, a jow, a jow, a jow, ikka nogen. Mbi noo na jow me a ni ne togul fa guh fafu, ni finde, ni fu rorenul, no fu rorenulome:

— Aima?

Naahfo:

— Inje.

Nfoogol:

— Aw?

Naafo:

— Ey!

Nfoogol:

— Bay nu jaye bo?

Naafo:

— Bani jow I nogen nib aha babu.

Nfoogol:

— Talle inje an’danogen.

Na nogen, a nogen maa, fo bee tegul, o ba tegerfo e kardos, akartus na bet. Ñer naalo a pegulor yaŋ yay, na pegul yaŋ yay ya fag uh faa, na nogen, na nogen, naah:

— A Samba, A Samba.

Cem, apunulme bugan bugo fu joh me,

Naagil:

— Jupur, jupur.

Na pegulil u çih u juh bugan gaa na jahali. Na pegul, a pegul, a pegul, a pegul nakka nogen ni fu toŋ fafu doo Samba amme. Na pegul maa, naagol:

— A Samba!

Naagol:

— A Samba!

Naagol:

— Aw inji nu laggenulo?

Naagol:

— Ey!

Naagol:

— Inje may talle ni çilo, emit yay ne moneom.

Naagol:

— Ahã.

Naagol:

— Ey!

Naagol:

— Inje no ga raffa gagu gu yo mee niffas boó au nu kaye, eteme ni joúl.

Ñer ni gu punnul bugan ampagay, gu ŋar gu rukken. Ñer attiyol na yab ga yoŋ, açila nan i bussol. Gu jaye gu çih gu nogen ne suhyayu yolil, essuhyay yolil nahi ni an naagil:

— Bugau bugi no fi pegil me letti jama. Tieh! Buru ji keme ji punulil?

Ngoogol:

— Ey!

Mbin gu roren añil ahu:

— Woli enuhureŋ yayu ya namome ne nde woli ay amuyo? woli ji fassut an amuyo.

Na punulil faet fafu fala yo assenil. Ngoogol:

— Aw muyo?

Naagil:

— Ey!

 Ngoogol:

— Yoo! Kama ji cami wa?

Naagil:

— Inje jarut baccam, an ahu oo ji ŋar me be cam fag uh fafu, o paji senom iyab, ni maŋmaŋ.

Ngoogol:

— Yoo.

Miín ñer gualo ñer e boh e façil fafunah. Gukki gu tinen agnilahu bi essugil, kiíl añilahu a cokkor yaŋ yaa. Woo gu ŋar lome ni yaŋ yay ya fa guh faa ikki a ŋar wo miín alien yaŋ yayu miín a bajum to ni yaŋ yay. Ñer jaol na bëhowul a jogol miín may gunammo ki açet.

“Gaçila gu bajut ga foñ.”

Miín ga rej gu tij tallu.