Mataya

As roupas velhas

​Yandi walundanga kaka emataya muna nzo. Wasumbanga `mvwatu myayingi, kansi wazolanga mataya. Lumbu kimosi wabaka `nsamu walufwa lwa ngudi andi. Wawu kayenda kuna lufwa, wasoba e`mvwatu, wavwata `mvwatu myampa. Ye wakubika yo sisa e`mvwatu myankulu. Wawu kayatika odyata mu kwenda kuna lufwa, e`mvwatu mya nkulu miyindwidi: “konso ntangwa tuna tukalanga yaku. Wawu, mu lufwa lwa ngwa aku ozolele kutusisa. Kwenda tukwenda”. Wawu kavayika, kuna nima e`mvwatu myankulu myayantika olanda ye yimbila:

Muna ntama kwatusisanga ko, owunu emataya sala okunzo, twenda, twenda kuna kufwidi ngwa (2 bis).

Wayenda, wayenda walwaka ye wakota vana yamba dya ngudi andi. Owantu kebayangalalako muna mambu mavyoka: ongeye wuna kwiza ye funda ya mataya kun anima aku. Nki a sivi dyodyo? Kansi vakala wantu ba`nzaya efu. Bavova vo “luyambula”. Vo yandi ovwatidi empila yoyo, kwakuna kezingilanga kevwatanga `mvwatu myampa ko. Mataya kaka kevwatanga ma`nlende kuna nima. Wawu kavavidi osisa omataya momo kemayangalele ko. Mezilandi kuna nima. Kesobanga `mvwatu ko. Kezolanga `mvwatu myampa ko. Tuuka kafusukila ensoni, wasoba ekadilu. Wayambula efu kya vwata kaka emataya. Wayantika ovwata ye sangisa e`mvwatu myampa ye myankulu.

Longi: Fu kyaki kya wantu ayingi, wuna sala, baka nzimbu, kansi salu kya lunda kana wuna fwa ensatu. Elumbu kya lufwa yawonso yisidi kwa wantu kaka. Ezingu kimanisi kondwa kwa kyese. Konso muntu kafwete zaya aweyi kafwete zitisila ezingu kyandi.