Sabel Belelê

Isabel Belelê

​Sabel Belelê éra un minina mutu bunita i ingrasada. Si mai ku si pai pari-l, dipos môre, el fka el so. El ben ta kiria un kau, el kiria un kau ki e si tudu, ki ta guarda-l, ta guarda si kaza, tudu dretu. 

El ta txiga noti, el ta deta riba si kama, kau tanbe ta deta na si kama. Rapazis gosta del, ma ninhun e' ka ta da atensau ninhun, ninhun. El e senpri ftxadu ku si katxôr, si katxôr e si guarda. 

Kel diâ, noti, el xinti un kusa ta fa: 

— Sabel Belelê, Sabel Belelê, pega-m bu katxôr, N ta ba bu kasa, N ta leba-bu un saku dinheru d'oru!...! Katxôr fa: 

— Iépu, iépu, Sabel ka sta li!... Iépu, iépu, Sabel ka sta li!... Sabel dja ba ku primeru sonu!... E' ozerba: 

— Sabel Belelê, Sabel Belelê, pega-m bu katxôr, N ta ba bu kasa, N ta leba-bu un saku dinheru d'oru!... 

Es dja, e' leba es saku dinheru d'oru, dja, e' kre konxe-l! Kel diâ, e' labanta, e' po katxôr na kintal. Ben kel ta¬balian, ta fa amesma koiza, e' torna panha katxôr, e' ftxa dentu dun. môda un mala, pa katxôr ka pâpia, pamôdi el kre kel dinheru. Tabalian ben: 

— Sabel Belelê, Sabel Belelê, pega-m bu katxôr, N ta ba bu kasa, N ta leba-bu un saku dinheru d'oru!... Katxôr fa: 

— Iépu, iépu, Sabel ka sta li. Iépu, iépu, Sabel ka sta li!... Sabel dja ba ku primeru sonu!... 

E' labanta, e' panha katxôr, e' mata si katxôr, e' ntera dentu kintal. Sigundu dia, e' torna bai, katxôr mortu, ta fa si, e' ben labanta gôra, e' poi lumi, e' kema tudu, fka in-sinza. Ôki tabalian ben ta fa: 

— Sabel Belelê, Sabel Belelê, pega-m bu katxôr, N ta ba bu kasa, N ta leba-bu un saku dinheru d'oru!... 

E' rapa sinza, e' mara na un panu, e' ba juga na mar. Kel dia, e' atxa xansi pamô sinza dja sta la mar. El abri pôrta, tabalian entra dentu kasa. Kantu ki entra kran, e' labanta: 

— E!... Abô, kel denti la e pa k'e?... 

— Nnnn. kel denti li e pa N kume-bu ku el! 

— Abô, kel txifri la e pa k'e?... 

— Pa N po-bu riba d'el!... 

— E!... Abô, kel monzon la e pa k'e? 

— Kel mo li e pa N pega-bu ku el, pa nu anda! 

E' kumesa ta grita, e' kumesa ta grita. Vizinhus tudu ninhun ka ta bale-l. E' grita, vizinhus ka ta bale-l, pa¬môdi tudu vizinhu da kônta kusa k'e' fase. Tabalian panha-l, poi riba si txifri ta anda ku el, anda ku el, anda ku el di pôrta-en-pôrta: 

— Bizinhu di rôda, bizinhu di rôda, nhos bale-m, pamôdi dja N fronta. N sta riba txifri tabalian, tabalian di 

porton pa dentu, tabalian di porton pa fôra! Vizinhu ta fa-l: 

— Sabel Belelê, Sabel Belelê, pasa la pa bu kaminhu. pasa la pa bu kaminhu! E' ba pa otu pôrta: 

— Nha kumadri, nha kumadri, nha bale-m, pamô dja N fronta. N sta riba txifri tabalian, tabalian di porton pa dentu, tabalian di porton pa fôra! 

Si kumadri fa-l: 

— Nha kumadri, nha kumadri. nha kumadri, nha kumadri, nha pasa la pa kamin di nha! Ninhun ka bale-l. Dipos, es ben fka dos tabalian, es po-l un txifri di un, es ratadja-l dos ladu, e' fka na rubera. Fika stôria pa tudu algen odja ma dinheru m'e satanas ki faze. Pamôdi dinheru d'oru, e' kre konxeba-el, e' 

txiga na kel pontu ki e' pode ka txigaba. "Sapatinha rubera riba, sapatinha rubera baxu, ken ki sabe mas, konta midjor!"