Skódja di noibu di prinséza

Traducción al Español no está disponible

​Kusa ki kusa ki fka ta kontise na es mundu i ki oji N sa ta ben konta, na es prisizu mumentu. 

Éra un stória di un rei ku rafnha ki ta moraba na un sidadi grandi ki tinha un munti di algen. Mas rei, el éra xéf di kel kau. El ki ta mandaba na tudu algen li dentu. Nton, dipos, e' ten si fdju (prinséza ku prfnsipi), ki prinséza dja kria, dja bira grandi ki dja da mudjer, ki dja sta na idadi di kazamentu. Nton, rei tra un lei ki ta fa ma e' kre kasa si fdju ku un di kes rapazis di zóna. Mas, kondison ki e' ta poba pa si fdju-fémia kasaba ku kes rapazis, éra ki kenha ki konsigiba kumeba un pratu di malgéta sen ki e' fase un "hxhxhxh". 

Nton, ta kontise ki e' abri inskrison: tudu rapasis di kel zóna ben di tudu kau, di tudu zóna ki ta fase parti di kel sidadi, ben, ben inskreve. Mas di kantu mil rapazis. 

Nton txiga kel diâ, diâ di konkursu, tudu algen, rumadu na un stadiu, na un kanpu di futibol. Kel bes kanpu ka tinha relva. E kanpu di téra, tudu algen xintadu latxi na txon, pé dentu-l téra, otu ku sapatu, otu sen sapatu, otu ku xinélu, otu ku plastiku, otu sen nada. Kada kenha di si manera. Póbri ku riku tudu djuntadu pa bai odja kel konkursu. 

Rapazis la tudu xintadu na ses banku, nton kumesa konkursu. Primeru inskritu ki bai txomadu, panha si pratu malgéta, e' poi na bóka, e' da un dentada, e' kudi: 

— Hxhxhxh. o nha mai!... Kel li ka ta bai! 

E dizisti. Txomadu a segir, bai mas di tres mil rapasis. ninhun ka konsigi. Nhu rei fla: 

— Bon, anhos nhos ka konsigi kume un pratu malgéta sen fase hxhxhxh. Nton, nha fdju ta fka la, t'óki parse un algen ki ta kume un pratu malgéta! 

Ta kontise ki na mumentu, kuandu ki tudu gentis ta sai, staba un kuriozu na kel lugar ki, e' bira si, e' vira róstu si, e' odja un koitadinhu, un ómi ki staba kabélu txeu, dja e' bira kabélu branku na kabésa... koitadu, kalsa bédju, pé na txon, pé rusu so pitxóka, kabélu so léndia, ropa ki ka ta da nen pa odja: koitadu própi! Di kes koitadu ki ka ten kau fa! 

(Koitadu, N kustuma ta fa: ten koitadu, ten fórti koitadu, ten o nha mai di koitadu! Kel éra o nha mai di koitadu!) Nton, kuandu ki kusa, kel sinhór ki odja kel koitadu, e' fla: 

— Sr. Rei, nau inda falta un! 

Sr. Rei fla: 

— Falta un?!... Ma kel li ka sta inskritu! 

— Sin, kel la ka sta inskritu. ma e' sta li! Anhó, el e' sta li. palavra nho ka ta dismintidu! Anhó nhu fa... el 

e' sta li, e' ten ki partisipa. 

Nton gentis djunta, kantu ki nhu rei fa si: 

— Nhos manda-l entra. 

Kantu ki kel koitadu entra, e' fla: 

— Kenha?... Abó?!... 

Na, ba-t'inbóra!... Abó bu ka ta sirbi! 

Abo, tudu kes rapazis ki ben. kes rapazis so bazófu, so inpustor, so bunitu. ka konsigi, abó bu ta konsigi?!... 

Agó, dja N fa-u. ten ki ser! Dja nu sabe kusa e módi?... 

Kel koitadinhu fla si: 

— Dja nu sabe e kusé. E pa kume un pratu malgéta, sen fase "hxh". 

(Nen "hxhxhxh" e' ka a ta pode fase!)

Nton, kantu ki kusa, nton e' bai. Tudu algen rumadu, na altura nen televizon ka tinha pa flmaba. Ma, mi komu N staba la na altura, N fika, N odja kel kusa, N fka N ta konta! 

Nton e' bai, e' panha si pratu malgéta. Primeru, e' fla: 

— Sr. Rei, anhó nhu fa: kenha ki ta kasa ku fdju nho, e kenha ki kume un pratu malgéta sen fase "hxhxhxh". 

Sr. Rei fla: 

— Sin sinhór!... Filismenti dja nhu lenbra! 

Nton, e' panha un kudjer di malgéta, e' poi na bóka, e' da un dentada, e' fla: 

— Sr. Rei, e pa ka fase "hxhxhxhxh"?!... 

Sr. Rei fla: 

— E pa ka fase "hxhxh". 

E' fla: 

— Sr. Rei, N ka ta fase "hxhxhxhxh". 

E' torna panha mas un bokadu, antis di e' poi na bóka, e' fla: 

— Sr. Rei, dja nhu sabe-l e módi. e pa ka fase "hxhxhx"!... 

E' mete kudjer na bóka, e' da un dentada, e' fla: 

— Sr. Rei, dja nu odja ma N ka ta fase "hxhxhxh"?... A nha mai!... N ka ta fase "hxhxhxh", Sr. Rei!... N ka ta fase. 

Dipos, e' torna panha mas un bokadu. pratu dja sta ta linpa, tudu algen kumesa ta da palmu. Kantu ki falta mas un bokadu, e' fla: 

Amí dja N kume tudu kel li, N ka fase "hxhxh". kel li nen ki N fase "hxhxh"! 

Nhu Rei fal: 

— Nau, nhu ka pode fase "hxhxh"! 

E' fla nhu Rei: 

— Nton, N ka ta fase "hxhxhxh". 

E' kaba kume kel pratu malgéta. Dipos, nhu Rei go fka si konstranjidu, fla: 

— Nha genti, N a ta ben kasa nha fdju ki N kre txeu, nha Prinséza... pa N ben kaza ku kel koitadu la! 

Kelóra, e' fla: 

— Prontu, bu ten ki kaza ku nha fidju! 

Sr. Rei kelóra manda kontrata barberu mas bon ki tinha na kel zóna, mas kel midjór barberu ki tinha na kel zóna, e' manda kunpra material di barberu di kel primera kualidadi ki ten, e' manda kunpra bankada ki ómi ta xinta di kes midjór, e poi tra rapas barba, tra kabélu, konpo. Sima ta bai ta tra kabélu, rapas ta bai ta fka mas nóbu. 

Kel rapas ka éra bédju. Rapas era nhanhidu ki staba. E' staba injuriadu. Koitadu, ku fómi, ka tinha kenha di da-l kumida. Nton, e' bai ta njuria, e' bai ta njuria, e' bai ta njuria, e' fka nhanhidu. 

Nton, sima ta ba ta tra, e' bai ta fka mas bazófu. Dipos, nhu Rei tanbe manda pripara un kaza di banhu ku un xanpó, ku sabon, ku jel di banhu, ku tudu kuza di kes mas inpuranti ki ten, da-l kel un banhu! Dipos, manda buska un fatu na Mérka, mas fatu di kel midjór ki tem, e' da-l. 

Kantu ki e' bisti ki e' sai la, ningen ka kridita ma éra kel rapas ki kumeba malgéta ki staba di kel manera. Ningen, ningen ka kridita! 

Nton, dipos markadu kazamentu, ma nhos ka ta kridita kenha ki ben kaza kel rapas! E' tra nhu Papa di Róma pa ben kasa si fdju, na kel bes, na mil novesentu N ka sabe un bes. Nton, kasa ku si fdju. Kantu ki kaza, fasedu fésta, ki dja e' mora na si kasa. Éra fésta bédju, ki amf N bai fésta, N ten tres diâ la na fésta! Ma, fésta! Amf N skese tanbe kaminhu di kasa, pamódi fésta di kel manera, N ka odja ti oji! 

Nton, kantu ki es kasa, e' bai si kasa, el ku si mudjer. Nton, es kumesa ta ten ses fdju... Dja es ten un fdju, dja es ten dos fdju... lnda a diâs, N pasa la ku rapasis, N atxa-l na varanda. ti ki e' kunvida-m pa N ba toma un xa ku el. N bai, N toma un xa ku el, dipos e' fa-m: 

— Nhu ta lenbra di mi? 

N fa-l: 

— Klaru ki N ta lenbra di bo!... Anhó e un di kes ki staba na konkursu. anhó e un di kes ki partisipa na konkursu ki konsigi kume un pratu malgéta! Agó, nhu ta fa-m si N ka ta lenbra di nho!?... 

— N pensaba ma nhu ka ta lenbra di mi! Es dispreza-m, ma oxi, nhu odja li! Oji, mi e un di kes ómi mas riku di es sidadi! 

"Sapatinha rubera riba, sapatinha rubera baxu, kenha ki sabe mas, konta midjór!" Sima ta fadu, un saku dinheru sa ta rola na kobon di Fonton, róstu pa mar... Si ka bai faxi, e' ta kai na mar, nu ta fka sen el!